ANNOUNCEMENT

16.08.2018

Փորձացուցադրական ծրագիր «խելացի ֆերմայի» հիմնում:

Ագրոբիզնեսի և գյուղի զարգացման կենտրոն (CARD) հիմնադրամը, Ավստրիայի զարգացման գործակալության (ADA) կողմից ֆինանսավորվող «Կենդանիների առողջության կառավարում Հայաստանում և Վրաստանում» փուլ II ծրագրի (AHM 8277-00/2015) շրջանակներում հրավիրում է ՀՀ մարզերում գործող Գյուղատնտեսական և անասնաբուժական սպասարկման կենտրոններին և անասնաբուծությամբ զբաղվող տնտեսվարողներին/ֆերմերներին մասնակցելու փորձացուցադրական ծրագրի:

Ծրագիրը նպատակ է հետապնդում հիմնել 10 կովի համար նախատեսված փորձացուցադրական ֆերմա ջերմոցային կոնստրուկցիայի ներքո (կապովի և անկապ պահվածք): Ծրագիրը նորարարություն է Հայաստանի Հանրապետությունում՝ ներառելով  տեխնոլոգիական բոլոր լուծումները կենդանիների պատշաճ խնամքի ու պահվածքի համար:

CARD հիմնադրամը ծրագրի շրջանակներում տրամադրելու է ֆերմայի նախագիծ/նախահաշիվ, ջերմոցային կոնստրուկցիա, ինչպես նաև աջակցելու է ջերմոցի մոնտաժման աշխատանքներում։  Շահառուներից ակնկալվում է ջերմոցի ներքին հարդարման աշխատանքների իրականացումն ու սարքավորումների ձեռք բերումը։  

Բոլոր շահագրգիռ կողմերին հրավիրում ենք սույն թվականի Օգոստոսի 16-ին ժամը 16:00-ին CARD-ի գրասենյակ՝ ծանոթանալու ֆերմայի նախագծին/նախահաշվին հետևյալ հասցեով ՝ Ազատության 1/21-40, հեռ.՝ 374 60 440 550:

Ծրագրի շահառուների ընտրության ժամանակ հաշվի են առնվելու ներքոհիշյալ ցուցանիշները՝

  • Ծրագրի նկարագրություն
  • Ներդրում կատարելու հնարավորություն
  • Կերային բազայի առկայություն
  • Կենդանիների համապատասխան քանակ (10 գլուխ կով)
  • Ֆերման բացառապես կովեր պահելու նպատակով շահագործելու պարտավորվածություն

Դիմումը և ծրագիրը անհրաժեշտ է ներկայացնել CARD-ի գրասենյակ մինչև 2018թ-ի Օգոստոսի 23-ի ժամը 17:00-ը՝ վերոնշյալ հասցեով: